სახლთან ინტეგრირებული მრავალფუნქციური სივრცის მიზანია სუფთა ჰაერზე ოჯახური შეკრებებისთვის კომფორტული, სასიამოვნო გარემოს შექმნა. განათების ინტენსივობა და საინტერესო კომპოზიცია ქმნის სასიამოვნო და მშვიდ გარემოს ზაფხულის თბილი საღამოების გასატარებლად.
პროექტი წარმოადგენს დამკვეთის სახლის ეზოში განთავსებულ ღია საჩრდილობელს.
მიზანი იყო შეგვექმნა სახლთან ინტეგრირებული გარე მოხმარების მრავალფუნქციური სივრცე ოჯახური შეკრებებისთვის.
კონსტრუქციის მთავარი უპირატესობა მის საინტერესო განლაგებაშია, რომლის საშუალებითაც იგი მოსასვენებელ, სასადილო და ბუხრის მიმდებარე ზონას სამ დამოუკიდებელ, მაგრამ ამავდროულად ინტეგრირებულ სივრცედ წამროაჩენს.
ხასიათი
საპროექტო ნაგებობა არსებული სახლის ხასიათს იმეორებს და მის ბუნებრივ გაგრძელებად გვევლინება ხის ელემენტები, აგურის კედლები და ბუნებრივი ქვის იატაკი ქმნის ერთიან კომფორტულ გარემოს, რომლის მთავარ აქცენტსაც წარმოადგენს ქვით მოპირკეთებული ბუხარი.
განათების ინტენსივობა და საინტერესო კომპოზიცია ქმნის სასიამოვნო და მშვიდ გარემოს ზაფხულის თბილი საღამოების გასატარებლად.
