გარემოს შენარჩუნების და ბუნებასთან ჰარმონიზაციის სურვილით, ხის მასალით დაპროექტდა სააგარაკო სახლი კიკეთში, რომელიც არსებული ლანდშაფტის ნაწილად აღიქმება.
მცირე ზომის ოჯახისთვის შექმნილი სახლის დიზაინის ყველა ელემენტი გათვლილია დამკვეთებისთვის მყუდრო და კომფორტული სივრცის შესაქმნელად, სადაც მათ განტვირთვა და თავისუფალი დროის სასიამოვნოდ გატარების შესაძლებლობა ექნებათ.
დიდი ზომის კარ-ფანჯრები უზრუნველყოფს ინტერიერში ბუნებრივი განათების მაქსიმალურ შემოდინებას.
შენობის სტილი ხასიათდება სიმარტივით, სიმშვიდით და აგარაკის მყუდრო ესთეტიკით.
ხის მასალა, სწორხაზოვანი ფორმები და პასტელური ფერების კომბინაცია ქმნის ჰარმონიულ გარემოს, რომელიც ბუნებრივად ერწყმის არსებულ ლანდშაფტს.
სახლთან ინტეგრირებული საჩრდილობელი და მოსასვენებელი სივრცე დამატებით კომფორტს უქმნის მობინადრეებს.
მაქსიმალურად არის გათვალისწინებული სახლის ენერგოეფექტურობა და დაცულია ჯანმრთელის სახლის პრინციპები.
